Lieber Beat
Vor 17 Johr, s’esch tatsächlech so
besch du i öises OK cho.
Vo Afang a besch du derbi,
brengsch Tipps und gueti Idee i.
Der Tornverein tuesch du verträte,
met allne hesch’s guet, du besch e Nätte.
Onderem Johr get’s net so vöu z’tue,
aber am Sporttag hesch du kei Rueh.
Benggu los, Benggu do und Benggu döt.
De Benggu louft ond springt wie blöd.
Du besch de Scheff för alli Baute,
för die Nöie ond ou för die Aute.
A dr Setzig wird bschlosse, was alles muess si.
Gäll Benggu das got, du besch doch derbi?
Tuesch nagle, hämmere ond Holz säge,
Tisch ond Feschtbänk ometräge.
Zueständig besch ou för’s Mikrofon
ond, dass alli händ gnue Strom.
Esch alles ufgschtellt, muess no teschtet si.
Chli ändere ond do ne Nägu dri.
Rächtzitig esch emmer alles bereit,
de Benggu macht’s, e has jo scho gseit.
Wenn alls verbi esch und’s ruhiger werd,
denn got alles umgekehrt.
Abrume, versorge ond no potze,
ou do esch de Benggu vo grossem Notze.
Erscht jetze esch dr Sporttag verbi
Ond alli dörfe glöcklech si.
So ne Chrampf set 17 Johr
Verdient en Ehrig, das esch doch wohr.
Drom schlon e de vor als Ehremetgled
Isproch degäge get’s secher ned.
